"Біртұтас тәрбие" бағдарламасы аясында 10 "А" сыныбында сынып жетекшісі К.С. Левина жазушы, ақын, ойшыл, философ, гуманист Шәкәрім Құдайбердиевтің туғанына 165 жыл толуына арналған дөңгелек үстел өткізді. Шәкәрім Құдайбердиев-әдебиет пен тарих саласындағы аса ірі тұлға. Оның классикаға айналған шығармалары адам табиғатын терең түсінуге, тарихи шындыққа және философиялық рефлексияға толы. Іс-шара барысында оқушылар Шәкәрімнің әдеби мұрасын ғана емес, оның тарих ғылымы мен мәдениеттің дамуына қосқан үлесін талқылады.
Дөңгелек үстел барысында оқушылар ұлы философ - ойшылдың баға жетпес мұрасы туралы пікір алмасты. Оқыған шығармаларынан алған әсерлерімен бөлісіп, Шәкәрім Құдайбердиевтің идеялары мен құндылықтарын талқылады.
Шәкәрім шығармаларына арналған дөңгелек үстел сынып оқушыларының мектеп кітап клубын ұйымдастыру туралы ұсынысымен аяқталды. Бұл барлық оқу әуесқойлары үшін керемет жаңалық! Әдеби шығармаларды талқылауға қосылыңыз және бізбен бірге шабыт алыңыз!